ეს დღე მნიშვნელოვანი საგანმანათლებლო ეტაპის ღირსეული დასასრულია და ახალი პროფესიული გზის საწყისი.
ერთად აღვნიშნოთ ეს განსაკუთრებული მომენტი — მიღწევები, ახალი მიზნები და მომავალი გამარჯვებები.
📅 25 თებერვალი | 17:00
📍 სასტუმრო „ჰოლიდეი ინნ“
მის.: 26 მაისის მოედანი N1
Erasmus+ პროგრამის ფარგლებში, საქართველოს სპორტის სახელმწიფო უნივერსიტეტში სტამბოლის გედიკის უნივერსიტეტის ასოცირებული პროფესორის, ფიზიოლოგიის დოქტორ სეიდ ჰოუტან შაჰიდის ერთკვირიანი ვიზიტი გრძელდება.
ვიზიტის ფარგლებში, 4 თებერვალს, პროფესორმა შაჰიდმა უნივერსიტეტში ჩაატარა ლექცია თემაზე: „წვრთნის შეფასება, შესრულების ტესტირება და მტკიცებულებებზე დაფუძნებული წვრთნა“. მომხსენებელმა აკადემიურ პერსონალს და სტუდენტებს გაუზიარა საკუთარი კვლევის შედეგები და ისაუბრა სპორტული მეცნიერების თანამედროვე მიდგომებზე. სტუდენტებმა გამოხატეს დიდი ინტერესი მსგავსი აქტივობების მიმართ, და შეხვედრის მეორე ნაწილი კითხვა-პასუხის რეჟიმში წარიმართა. სუტენდებმა ასევე გამოიჩინეს ინიციატივა საერთაშორისო სტუმრებთან ამ ფორმატში შეხვედრის თაობაზე.
პროფესორმა უკვე გამართა ოფიციალური შეხვედრა უნივერსიტეტის წარმომადგენლობასთან, სადაც მხარეებმა აკადემიური და ინსტიტუციური თანამშრომლობის გაღრმავების პერსპექტივები განიხილეს. სეიდ ჰოუტან შაჰიდი სტამბოლის გედიკის უნივერსიტეტში ხელმძღვანელობს სპორტული შესრულების ლაბორატორიას და კოორდინაციას უწევს კვლევით განვითარებას.
მწვრთნელთა ფაკულტეტის განვითარების სტრატეგიული ხედვა ემყარება უმაღლესი განათლების თანამედროვე მოთხოვნებს, სპორტული მეცნიერებების განვითარების ტენდენციებსა და ეროვნული სპორტული სისტემის პრიორიტეტებს.
მიზნის მისაღწევად აუცილებელია:
სლოგანი
მწვრთნელთა ფაკულტეტი – კონკურენტუნარიანი, მდგრადი საგანმანათლებლო ცენტრია, რომელიც ამზადებს მაღალკვალიფიციურ, პასუხისმგებლიან და ეროვნული სპორტული სისტემის განვითარებაზე ორიენტირებულ პროფესიონალ კადრებს.
სლოგანი:
მწვრთნელთა ფაკულტეტი ქვეყნისა და ქართული სპორტის სამსახურში.
16-17 ოქტომბერს, ერევანში, სომხეთის ფიზიკური კულტურისა და სპორტის სახელმწიფო ინსტიტუტის 80 წლის იუბილესთან დაკავშირებით გაიმართა საერთაშორისო სამეცნიერო ფორუმი „სპორტი მშვიდობისა და ჯანმრთელობისთვის“, რომელშიც მონაწილეობა საქართველოს სპორტის სახელმწიფო უნივერსიტეტის წარმომადგენლებმაც მიიღეს.
ღონისძიებაზე უნივერსიტეტს წარმოადგენდნენ მწვრთნელთა ფაკულტეტის დეკანი, ასოცირებული პროფესორი ირაკლი დოლაბერიძე და საერთაშორისო ურთიერთობების სამსახურის უფროსი მარიამ მაისურაძე.
ღონისძიების ფარგლებში გაიმართა სამუშაო შეხვედრები სომხეთის, ბულგარეთისა და საბერძნეთის სპორტული უმაღლესი სასწავლებლების ხელმძღვანელებთან. შეხვედრებზე განხილულ იქნა სამომავლო ურთიერთთანამშრომლობის შესაძლებლობები და განსაკუთრებული ყურადღება დაეთმო “Erasmus+” პროგრამის ფარგლებში გაცვლითი პროექტების პერსპექტივებს.
სამეცნიერო ფორუმი სომხეთის განათლების, მეცნიერების, სპორტისა და ახალგაზრდობის მინისტრის მოადგილემ ჰასმიკ ავაგიანმა და ერევნის ფიზიკური კულტურისა და სპორტის ინსტიტუტის რექტორმა ტიგრან სიმონიანმა გახსნეს. ღონისძიების ფარგლებში საერთაშორისო ექსპერტებმა და მეცნიერებმა განიხილეს ისეთი თემები, როგორებიცაა ფიზიკური აღზრდისა და სპორტული მომზადების პედაგოგიური და სამეცნიერო-მეთოდური მიდგომები, ოლიმპიზმის საგანმანათლებლო ასპექტები, სპორტის სამართლის განვითარება, ფიზიკური აღზრდისა და სპორტული აქტივობების ფსიქოლოგიური მხარდაჭერის ასპექტები, სპორტული ტურიზმის პერსპექტივები და სპორტული მენეჯმენტის თანამედროვე გამოწვევები.
ღონისძიება დასრულდა საზეიმო გალაკონცერტით ერევნის ოპერის თეატრში, რომელსაც სომხეთის პრემიერ-მინისტრი ნიკოლ ფაშინიანი დაესწრო და ქვეყნის უმაღლეს სპორტულ სასწავლებელს იუბილე მიულოცა.
მიმდინარე წლის 26 ოქტომბერს ტარდება განათლების საერთაშორისო გამოფენა, თბილისში,
სასტუმრო Holiday Inn Tbilisi-ში (26 მაისის მოედანი #1).
გამოფენა ტარდება მათთვის, ვინც დაინტერესებულია საზღვარგარეთ სწავლით, სტიპენდიებისა და გრანტების მიღებით,
საზაფხულო სკოლებით, მოკლევადიანი კურსებით და სხვადასხვა სასწავლო პროგრამით.
გამოფენაში მონაწილეობას მიიღებენ მსოფლიოს სხვადასხვა ქვეყნის სასწავლებლები, ასევე საქართველოში არსებული საელჩოები
და საერთაშორისო ორგანიზაციები, რომლებიც გამოფენაზე მისულ დაინტერესებულ პირებს შეთავაზებენ
სტიპენდიებს და სასწავლო პროგრამებს — როგორც გრძელვადიანს, ასევე მოკლევადიანს.
გამოფენაზე გექნებათ უნიკალური შესაძლებლობა პირისპირ გაესაუბროთ
საზღვარგარეთ არსებული უმაღლესი სასწავლებლების, საელჩოებისა და საერთაშორისო ორგანიზაციების წარმომადგენლებს
და მიიღოთ ამომწურავი ინფორმაცია თქვენთვის საინტერესო ყველა კითხვაზე.
📌 გამოფენაზე დასწრება უფასოა!
გამოფენაზე დასასწრებად მნიშვნელოვანია რეგისტრაციის გავლა შემდეგ ბმულზე:
👉 რეგისტრაციის ფორმა
განათლების საერთაშორისო გამოფენის ორგანიზატორია საგანმანათლებლო ორგანიზაცია
Edu-Guide.Ge
(www.edu-guide.ge).
📅 ჩატარების თარიღი და დრო:
2025 წლის 26 ოქტომბერი | 12:00-დან 17:00-მდე
Facebook ღონისძიება იხილეთ აქ:
Facebook Event Link
„ვიქტორ სანეევის თასი“ – გახდი მოხალისე – გაიარე რეგისტრაცია და ჩაერთე ტურნირის ორგანიზებაში!
https://form.jotform.com/252671243778465
2025 წლის 3 ოქტომბერს ლეგენდარული ქართველი სპორტსმენი და ჩვენი უნივერსიტეტის კურსდამთავრებული – ვიქტორ სანეევი 80 წლის გახდებოდა.
ამ მნიშვნელოვან თარიღთან დაკავშირებით გაიმართება „ვიქტორ სანეევის თასი“ სამხტომსა და სიგრძეზე ხტომაში.
ტურნირში მონაწილეობას მიიღებენ სპორტსმენები საქართველოდან, სომხეთიდან, აზერბაიჯანიდან და სინგაპურიდან. ღონისძიებას დაესწრება ბატონი ვიქტორის მეუღლე.
ორგანიზატორები – საქართველოს სპორტის სახელმწიფო უნივერსიტეტი; საქართველოს ეროვნული ფედერაცია „სპორტი ყველასათვის“
მხარდამჭერები – საქართველოს ეროვნული ოლიმპიური კომიტეტი, მძლეოსნობის ეროვნული ფედერაცია, აფხაზეთის განათლებისა და კულტურის სამინისტრო, საქართველოს სპეციალური ოლიმპიადის ეროვნული ფედერაცია.
გელოდებით ყველას!
2025-2026 სასწავლო წელს საქართველოს სპორტის სახელმწიფო უნივერსიტეტის „ფიზიკური აღზრდისა და სპორტის (მწვრთნელი)“ და „ფიტნესი და ჯანმრთელობის“ საბაკალავრო საგანმანათლებლო პროგრამაზე, მობილობით გადმოსვლის მიზნით, ჩატარებული შიდა (სპორტული) ტურის შედეგები იხილეთ ფაილი
აბიტურიენტი უფლებამოსილია, შეიტანოს სააპელაციო განცხადება რექტორის ბრძანებით შექმნილ სააპელაციო კომისიის სახელზე, მისაღები (შიდა) სპორტული ტურის შედეგების გამოცხადებიდან 24 საათის განმავლობაში.
საპრეტენზიო განაცხადი სააპელაციო კომისიის სახელზე ბარდება უნივერსიტეტის კანცელარიაში: ქ. თბილისი, ეგ. ნინოშვილის ქ. 55. ტელ: 032 256-05-01
გილოცავთ ერთიანი ეროვნული გამოცდების წარმატებით ჩაბარებას და სპორტის უნივერსიტეტში ჩარიცხვას. იწყება ახალი საინტერესო და მრავალფეროვანი სტუდენტური ცხოვრება – გზა განათლებისა და პიროვნული განვითარებისკენ.
სპორტის უნივერსიტეტის 2025-2026 სასწავლო წლის ერთიანი ეროვნული გამოცდებით ჩარიცხულ პირველკურსელთა რეგისტრაცია:
8 სექტემბრიდან – 19 სექტემბრის ჩათვლით
10:00 საათიდან – 17:00 საათამდე
რეგისტრაცია იწარმოებს ორ მისამართზე:
ქ. თბილისი, ვაჟა-ფშველას გამზ. N76ბ. მე-2 სართული, ოთახი 22
• ფიზიკური აღზრდა და სპორტი (მწვრთნელი);
• ბიზნესის ადმინისტრირება და სპორტის მენეჯმენტი.
ქ. თბილისი, ნინოშვილის ქ. N55, მე-2 სართული
• ფიზიკური მედიცინა და რეაბილიტაცია;
• ფიტნესი და ჯანმრთელობა
• ქართულ ენაში მომზადების პროგრამა
წარმოსადგენი დოკუმენტები:
ა) პირადობის დამადასტურებელი დოკუმენტის ასლი;
ბ) ფოტოსურათი ¾ (2 ცალი და CD-დისკზე ჩაწერილი) (მხოლოდ „ფიზიკური მედიცინისა და რეაბილიტაციის“ და „ბიზნესის ადმინისტრირების და სპორტის მენეჯმენტის“ სტუდენტებისთვის);
გ) ატესტატი – დედანი ან ნოტარიულად დამოწმებული ასლი;
დ) სამხედრო აღრიცხვაზე ყოფნის დამადასტურებელი დოკუმენტი (ვაჟებისთვის);
ე) პირველი სემესტრის სწავლის საფასურის (1125 ლარი) გადახდის დამადასტურებელი ქვითარი (სახაზინო კოდი: 709027289 მიუთითეთ სტუდენტის სახელი და გვარი და პირადი ნომერი).
შენიშვნა: არასრულწლოვანი (18 წლამდე) აბიტურიენტის შემთხვევაში აბიტურიენტს უნდა ახლდეს კანონიერი წარმომადგენელი და თან იქონიოს წარმომადგენლობის დამადასტურებელი დოკუმენტი (მშობლის უფლების მქონე პირმა უნდა წარმოადგინოს პირადობის დამადასტურებელი დოკუმენტი და აბიტურიენტის დაბადების მოწმობა, ხოლო მინდობილი პირის შემთხვევაში – მინდობილობის დამადასტურებელი დოკუმენტის დედანი და მინდობილი პირის პირადობის დამადასტურებელი დოკუმენტის ასლი).
საქართველოს ფიზიკური აღზრდისა და სპორტის სახელმწიფო სასწავლო
უნივერსიტეტი 2025-2026 სასწავლო წლისთვის აცხადებს მიღებას შემდეგ
სამაგისტრო პროგრამებზე:
ფიზიკური აღზრდა და სპორტი (მწვრთნელი)
ფიზიკური მედიცინა და რეაბილიტაცია
სპორტის მენეჯმენტი
საბუთების წარმოდგენის ვადა: 1 სექტემბრიდან 19 სექტემბერის ჩათვლით 11:00 სთ-დან 17:00 საათამდე
წარმოსადგენი დოკუმენტების ჩამონათვალი
სამაგისტრო პროგრამაზე ჩარიცხვის მსურველებმა კანდიდატებმა უნდა წარმოადგინონ შემდეგი დოკუმენტაცია:
· განცხადება (ივსება ადგილზე);
· პირადობის დამადასტურებელი დოკუმენტის ასლი;
· ბაკალავრის აკადემიური ხარისხის დამადასტურებელი დოკუმენტი (შესაძლებელია ნოტარიულად დამტკიცებული ასლის წარმოდგენა) ან ცნობა შესაბამისი საფეხურის დამთავრებისა და კვალიფიკაციის მინიჭების თაობაზე;
· საერთო სამაგისტრო გამოცდის საგამოცდო ბარათი;
· ინგლისური ენის არანაკლებ B2 დონის დამადასტურებელი საერთაშორისო სერტიფიკატი (ასეთის არსებობის შემთხვევაში);
· სამხედრო მიწერის მოწმობის ასლი (ვაჟებისთვის);
· ფოტოსურათი 3×4 (CD) დისკთან ერთად.
შიდა საუნივერსიტეტო გამოცდების საკითხები:
დეტალური ინფორმაციისთვის ეწვიეთ ლინკს:ცხადდება მიღება სამაგისტრო პროგრამებზე!