Category: სასწავლო

2022 წლის 14-18 თებერვალს, სპორტის უნივერსიტეტის ასისტენტ-პროფესორი შოთა გოგიტაური, Erasmus + გაცვლითი პროგრამის ფარგლებში იმყოფებოდა უნგრეთის ფიზიკური აღზრდის უნივერსიტეტში, ბუდაპეშტში. სადაც პროფესორ გაბორ გეცის საელექციო აქტივობების ფარგლებში, წაიკითხა ლექციები ქართული სპორტის განვითარების, დაფინანსების სისტემებისა და სპორტის მენეჯმენტის საკითხებზე.

2022 წლის 2 მარტს, 18:00 საათზე, ზუმის პლატფორმის მეშვეობით შოთა გოგიტაური წარადგენს პრეზენტაციას უნგრეთში განხორციელებული აქტივობების შესახებ და ასევე საუბარი იქნება სამომავლოდ დაგეგმილი Erasmus + გაცვლითი პროგრამების შესახებ. პრეზენტაციაზე დასწრება შესაძლებელია მოცემული ბმულის მეშვეობით :

ID: 991 8803 5516

Passcode: 581417

სპორტის უნივერსიტეტი Erasmus + ის ფარგლებში არაერთი ევროპული უნივერსიტეტის პარტნიორია და სამომვლოდაც იგეგმება სხვადასხვა გაცვლითი პროგრამები

29 ოქტომბერს ზუმის პლატფორმის გამოყენებით გაიმართა შეხვედრა სპორტის უნივერსიტეტის და რომის სახელმწიფო უნივერსიტეტის – “ფორო იტალიკოს” წარმომადგენლებს შორის.

შეხვედრას ესწრებოდნენ სპორტის უნივერსიტეტის ადმინისტრაციის ხელმძღვანელი ვლადიმერ ბოჟაძე, საერთაშორისო ურთიერთობების დეპარტამენტის უფროსი მედეა მეტრეველი, იტალიური ენის მოწვეული პედაგოგი ომარ ფოსკი და საერთაშორისო ურთიერთობების დეპარტამენტის მთავარი სპეციალისტი მარიამ მაისურაძე. “ფორო იტალიკო” -ს წარმომადგენლებს შორის იყვნენ ვიცე რექტორი პროფესორი ემანუელე ისიდორი, საერთაშორისო ურთიერთობების დეპარტამენტის თანამშრომელები პაოლა ტეტი და დიეგო ვიზენტინი.

შეხვედრაზე განხილულ იქნა ორმხრივი თანამშრომლობის საკითხები, რომელიც მოიცავს როგორც გაცვლით პროგრამებს ისე სამეცნიერო თანამშრომლობას. ურთიერთთანამშრომლობის მემორანდუმის გაფორმება ორ უნივერსიტეტს შორის უახლოეს მომავალში იგეგმება.

რომის სახელმწიფო უნივერსიტეტი “ფორო იტალიკო” არის იტალიაში ერთადერთი უმაღლესი საწავლებელი, რომელიც ახორციელებს ფიზიკური ვარჯიშებისა და სპორტის მეცნიერულ შესწავლას.

12 და 15 ოქტომბერს ERASMUS + გაცვლითი პროგრამის ფარგლებში სპორტის უნივერსიტეტს ბულგარეთის ვასილ ლევსკის ნაციონალური სპორტის აკადემიის პროფესორები ტატიანა ჰრისტაკიევა და ელეონორა მილევა ესტუმრნენ. პროფესორებმა სპორტის უნივერსიტეტში პროგრამით გათვალისწინებული ლექციები ჩაატარეს, რომელიც შეეხებოდა ზოგად ინფორმაციას ბულგარეთის ნაციონალური სპორტის აკადემიის, სწავლის მეთოდებს და ასევე ინგლისური ენის სწავლების სპეციფიკას. ვასილ ლევსკის სახელობის ეროვნული სპორტის აკადემია სპორტის უნივერსიტეტის პარტნიორია 2017 წლიდან და ორ უნივერსიტეტს აქტიურად ხორციელდება ERASMUS + პროგრამით გათვალისწინებული აქტივობები.

2021 წლის 14 სექტემბრიდან 17 სექტემბრის ჩათვლით უნგრეთში, ქ. ბუდაპეშტში საერთაშორისო პარტნიორების დღეები და ინოვაციების საერთაშორისო კონფერენცია გაიმართა სადაც სპორტის უნივერსიტეტის საგარეო ურთიერთობათა სამსახურის მთავარი სპეციალისტი მარიამ მაისურაძე და ამავე უნივერსიტეტის ასისტენტი პროფესორი შოთა გოგიტაური იმყოფებოდნენ.

ინოვაციების საერთაშორისო კონფერენციაზე ასისტენტ პროფესორმა შოთა გოგიტაურმა წარადგინა მოხსენება თემაზე „შემოსავალი ბილეთების გაყიდვიდან“, რომელმაც ბევრი დადებითი შეფასება მიიღო.

ვიზიტის ფარგლებში მოეწყო სპეციალური შეხვედრები პარტნიორ, უნგრეთის ფიზიკური აღზრდის უნივერსიტეტის რექტორთან, საგარეო ურთიერთობების დეპარტამენტის თანამშრომლებთან და აკადემიურ პერსონალთან. შეხვედრაზე მხარეება ვისაუბრეთ სამომავლო გეგმებზე და სხვადასხვა სახის გაცვლით პროგრამაზე, როგორც სტუდენტებისთვის ასევე აკადემიური და ადმინისტრაციული პერსონალისთვის. დაიგეგმა შეხვედრები სამომავლო ერთობლივ პროგრამებზე და სხვა საერთაშორისო პროექტებზე, რომელსაც სპორტის უნივერსიტეტი თავის პარტნიორებთან ერთად განახორციელებს.

აღნიშნულ ღონისძიებაზე იმყოფებოდნენ სხვადასხვა ქვეყნების უნივერსიტეტების წარმომადგენლები, რომლებთანაც ასევე ვიმსჯელეთ ურთიერთთანამშრომლობის შესახებ.

სააქართველოს ფიზიკური აღზრდისა და სპორტის სახელმწიფო სასწავლო უნივერსიტეტი 2014 წლიდან არის უნგრეთის ფიზიკური აღზრდის უნივერსიტეტის პარტნიორი.

9 სექტემბერს ზუმის პლატფორმის გამოყენებით გაიმართა შეხვედრა საქართველოში იტალიის საელჩოს განათლების ატაშესთან ქალბატონ ორნელა სპანოსთან. შეხვედრას ესწრებოდნენ სპორტის უნივერსიტეტის ადმინისტრაციის ხელმძღვანელი ვლადიმერ ბოჟაძე, ხარისხის უზრუნველყოფის სამსახურის უფროსი მაია ხურცილავა, იტალიური ენის მოწვეული პედაგოგი ომარ ფოსკი და საერთაშორისო ურთიერთობების დეპარტამენტის მთავარი სპეციალისტი მარიამ მაისურაძე. შეხვედრაზე განხილულ იქნა ორმხრივი თანამშრომლობის საკითხები, როგორც საელჩოსთან, ასევე იტალიის უმაღლეს სასწავლებლებთან, რაც ითვალისწინებს გაცვლით პროგრამებს, მასტერკლასებს და სხვა აქტივობებს. ქალბატონმა ორნელა სპანომ დიდი კმაყოფილება გამოთქვა 2021/2022 აკადემიური წლიდან სპორტის უნივერსიტეტში იტალიური ენის სასწავლო გეგმაში შეტანასთან დაკავშირებით და განაცხადა, რომ შესაძლებლობის ფარგლებში მაქსიმალურად მოხდება უნივერსიტეტის მხარდაჭერა. ასევე იგეგმება იტალიის საელჩოსთან მემორანდუმის გაფორმება.

ERASMUS+ გაცვლითი პროგრამის ფარგლებში საქართველოს ფიზიკური აღზრდისა და სპორტის სახელმწიფო სასწავლო უნივერსიტეტიდან კიდევ ერთისასწავლო მობილობა განხორციელდა.

2020 წლის 14 თებერვალს ERASMUS+ გაცვლითი პროგრამის ფარგლებში მედიცინისა და რეაბილიტაციის ფაკულტეტის მეორე კურსის სტუდენტი ანა კაპანაძე და მწვრნელთა ფაკულტეტის მეორე კურსის სტუდენტი ვლადიმირ ტერტერიანი ბულგარეთში გაემგზავრნენ. მათ მოიპოვეს ERASMUS+ -ის სტიპენდია და 1 სემესტრის განმავლობაში სწავლას სოფიაში, ეროვნული სპორტის აკადემია „ვასილ ლევსკი“- ში გააგრძელებენ.

ეროვნული სპორტის აკადემია „ვასილ ლევსკი“ ჩვენი უნივერსიტეტის პარტნიორია და მომავალშიც გაგრძელდება თანამშრომლობა, როგორც სტუდენტების მობილობის ასევე ლექტორების მობილობის თვალსაზრისით.

საქართველოს ფიზიკური აღზრდისა და სპორტის სახელმწიფო სასწავლო უნივერსიტეტიდან პირველი
სასწავლო მობილობა განხორციელდა.

2020 წლის 28 იანვარს ERASMUS+ გაცვლითი პროგრამის ფარგლებში მედიცინისა და რეაბილიტაციის ფაკულტეტის მესამე კურსის სტუდენტი, ანი ბერიაშილი ლიეტვუაში გაემგზავრა. ანიმ მოიპოვა ERASMUS+ -ის სტიპენდია და 1 სემესტრის განმავლობაში სწავლას ლიეტვუას სპორტის უნივერსიტეტში გააგრძელებს.

ლიეტვუას სპორტის უნივერსიტეტი ჩვენი უნივერსიტეტის პარტნიორია და მომავალშიც გაგრძელდება თანამშრომლობა, როგორც სტუდენტების მობილობის ასევე ლექტორების მობილობის თვალსაზრისით.

სპორტის უნივერსიტეტის, მწვრთნელთა ფაკულტეტის სტუდენტები გიორგი სულაბერიძე და გვანცა სადრაძე საბერძნეთში, საერთაშორისო ოლიმპიური აკადემიის “ახალგაზრდობის 59- ე ყოველწლიურ საერთაშორისო შეკრებაზე” იმყოფებოდნენ.

2019 წლის 16-18 მაისს უკრაინაში, ქ. კიევში საერთაშორისო სამეცნიერო კონფერენციაზე „ახალგაზრდობა და ოლიმპიური მოძრაობა“, მივლინებულ იქნა საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის მწვრთნელთა ფაკულტეტის მე-4 კურსის სტუდენტი გიორგი სულაბერიძე, რომელმაც წარადგინა თემა “სპორტის ფსიქოლოგია თეორიასა და პრაქტიკაში

11 ივნისს საქართველოს ფიზიკური აღზრდისა და სპორტის სახელმწიფო სასწავლო უნივერისტეტს სამუშაო ვიზიტით სერბიის ქ. ბელგრადის სინგადუნუმის უნივერსიტეტის დელეგაცია ეწვია, რომლის შემადგენლობაში იყვნენ: პროფესორი ნენად დიკიჩი – ფიზიკური განათლება და სპორტის მენეჯმენტის ფაკულტეტის სამაგისტრო პროგრამის: „სპორტული კვება და საკვები დანამატები“ – ხელმძღვანელი და სპორტისა და ჯანმრთელობის კოლეჯის პროფესორი – მარიჯა ანდელკოვიჩი.

დელეგაციის წევები უნივერსიტეტის ხელმძღვანელობას შეხვდა. შეხვედრამ სამუშაო ვითარებაში ჩაიარა, სადაც განხილულ იქნა სამომვალო ურთიერთთანამშრომლობის გეგმები.