Category: სხვადასხვა

🗓 საბუთების მიღება: 20 ნოემბრიდან 5 დეკემბრის ჩათვლით.
📎 დეტალური ინფორმაციის მისაღებად ჩამოტვირთეთ თანდართული ფაილი.

🗓 საბუთების მიღება: 20 ნოემბრიდან 5 დეკემბრის ჩათვლით.
📎 დეტალური ინფორმაციის მისაღებად ჩამოტვირთეთ თანდართული ფაილი.

საქართველოს სპორტის სახელმწიფო უნივერსიტეტის პროფესორმა ქეთევან ინასარიძემ მონაწილეობა მიიღო ორგანიზაცია „ADHD ჯორჯია“-ს კონფერენციაში, რომელიც პეტრე შოთაძის სახელობის სამედიცინო აკადემიაში გაიმართა თემაზე — „ADHD-ს მრავალი სახე“.
პროფესორმა ქეთევან ინასარიძემ წარმოადგინა მოხსენება თემაზე:
„კოგნიტური სტრატეგიები ყურადღების დეფიციტისა და ჰიპერაქტიურობის (ADHD) მქონე ბავშვებისა და მოზარდებისათვის“.
მისი გამოსვლა შეეხო თანამედროვე თერაპიულ მიდგომებსა და პრაქტიკულ სტრატეგიებს, რომლებიც მიზნად ისახავს ADHD-ს მქონე ბავშვებისა და მოზარდების სოციალური უნარების განვითარებას.

ქეთევან ინასარიძე

22 ოქტომბერს, საქართველოს სპორტის სახელმწიფო უნივერსიტეტი მონაწილეობდა იუნესკოს ანტი-დოპინგური კონვენციის 20 წლის იუბილესადმი მიძღვნილ ღონისძიებაში, რომელიც გაიმართა საქართველოს ანტიდოპინგური სააგენტოს ორგანიზებით. ღონისძიება ესწრებოდნენ განათლებისა და სპორტის სამინისტროს, საქართველოს პარლამენტის სპორტის კომიტეტის, ეროვნული ოლიმპიური კომიტეტისა და უნივერსიტეტების წარმომადგენლები.

ღონისძიების გახსნის შემდეგ მისასალმებელი სიტყვებით გამოვიდნენ საქართველოს სპორტის მინისტრის მოადგილე ირაკლი დოლაბერიძე, სპორტის კომიტეტის თავმჯდომარის მოადგილე შოთა ხაბარელი, და ეროვნული ოლიმპიური კომიტეტის გენერალური მდივანი ემზარ ზენაიშვილი.

შეხვედრის მნიშვნელოვანი ნაწილი დაეთმო საქართველოს ანტიდოპინგური სააგენტოს აღმასრულებელი დირექტორის, უნივერსიტეტის ასოცირებული პროფესორის, მედიცინის დოქტორის თეიმურაზ უკლებას პრეზენტაციას — „UNESCO-ს სპორტში დოპინგის წინააღმდეგ ბრძოლის კონვენციის ფონდთან თანამშრომლობა და კონვენციის მოთხოვნების იმპლემენტაცია“

ღონისძიებაზე სიტყვით გამოვიდა საქართველოს სპორტის სახელმწიფო უნივერსიტეტის ვიცე-რექტორი, პროფესორი ჯემალ ძაგანია, რომელმაც წარმოადგინა უნივერსიტეტის ახალი ინიციატივა — „სუფთა სპორტის მხარდამჭერი საგანმანათლებლო დაწესებულების“ სტატუსის მინიჭების შესახებ.

უნივერსიტეტი 2017 წლიდან აქტიურად ახორციელებს ანტი-დოპინგურ საგანმანათლებლო საქმიანობას იუნესკოს კონვენციის მოთხოვნების შესაბამისად. ამ პერიოდში სასწავლო პროგრამებში ინტეგრირდა 4-კრედიტიანი საგანი „დოპინგთან ბრძოლის საფუძვლები“, ასევე მომზადდა და ითარგმნა მსოფლიო ანტიდოპინგური სააგენტოს (WADA) ელექტრონული სასწავლო მოდული ქართულ ენაზე, რომელიც დღეს ხელმისაწვდომია როგორც სტუდენტებისთვის, ისე ფართო საზოგადოებისთვის.

გარდა ამისა, უნივერსიტეტმა 2024 წელს ჩაატარა კვლევა „დოპინგის პრევენციის სამეცნიერო–კვლევითი და საგანმანათლებლო მხარდაჭერა ფიზიკური აღზრდისა და სპორტის სახელმწიფო სასწავლო უნივერსიტეტში“, ხოლო 2025 წლის ბოლომდე დაგეგმილია ახალი სოციალური კვლევა დოპინგის პრევენციის თემაზე, რაც ხელს შეუწყობს საგანმანათლებლო პროგრამების დახვეწას და სუფთა სპორტის იდეის განმტკიცებას.

ღონისძიება დასრულდა უნივერსიტეტის წარმომადგენელთა ინიციატივით — ყოველწლიურად განხორციელდეს სუფთა სპორტის პოპულარიზაციისკენ მიმართული აქტივობები და კვლევითი პროექტები, რაც კიდევ ერთხელ ადასტურებს სპორტის სახელმწიფო უნივერსიტეტის ერთგულებას სუფთა სპორტის, ეთიკისა და განათლების მიმართ.

ძვირფასო ბატონო ამირან,

გულითადად გილოცავთ თქვენს დიდ იუბილეს – 80 წლისთავს!

თქვენი ცხოვრება და მოღვაწეობა სამაგალითო და საქართველოს სპორტის ისტორიის განუყოფელი ნაწილია.

როგორც საქართველოს დამსახურებულმა მწვრთნელმა, თქვენ უდიდესი წვლილი შეიტანეთ ქართული თანამედროვე ხუთჭიდის განვითარებაში. თქვენი პედაგოგიური საქმიანობა 1972 წელს დაიწყო საქართველოს ფიზიკური კულტურის ინსტიტუტში, სადაც დღემდე წარმატებით აგრძელებთ მოღვაწეობას.

1984 წელს წარმატებით დაცული საკანდიდატო დისერტაცია ნათლად მოწმობს, რომ თქვენ პროფესიონალურად შეუსაბამეთ სამწვრთნელო პრაქტიკა სამეცნიერო კვლევას და ამით კიდევ ერთხელ წარმოაჩინეთ თქვენი ერთგულება ცოდნისა და ახალგაზრდა თაობების აღზრდის საქმისადმი.

განსაკუთრებით აღსანიშნავია თქვენი მრავალწლიანი მოღვაწეობა – 1978 წლიდან 2016 წლამდე – საქართველოს თანამედროვე ხუთჭიდის ნაკრების მთავარ მწვრთნელად. 38 წელი ეროვნული ნაკრების სათავეში ყოფნა იშვიათი შემთხვევაა და სწორედ ამ დაუღალავი შრომით მოიპოვეთ ქართული სპორტისთვის არაერთი დიდებული გამარჯვება:

• 1981 წელი: საქართველოს ნაკრები გახდა საბჭოთა კავშირის ჩემპიონი როგორც პირად, ისე გუნდურ ჩათვლაში;
• 1982 წელი: საქართველოს ნაკრებმა ევროპის თასზე მეორე ადგილი დაიკავა;
• 1984 წელი: ნაკრების ლიდერი იგორ ბრიზგალოვი გახდა ევროპის თასის მფლობელი;
• 1988 წელი: ახალგაზრდული ნაკრების ლიდერი რევაზ ლოხიშვილი გახდა ახალგაზრდთა მსოფლიოს ჩემპიონი;
• თქვენი აღზრდილია ვახტანგ იაგორაშვილი – მრავალგზის ევროპის ჩემპიონი და 1988 წლის სეულის ოლიმპიადის ბრინჯაოს მედლის მფლობელი.

ეს წარმატებები თქვენი პროფესიონალიზმისა და თავდადებული შრომის უტყუარი დასტურია.

გისურვებთ ჯანმრთელობას, მხნეობას, დღეგრძელობას და მრავალ ბედნიერ წელს – თქვენი ოჯახის, მეგობრებისა და მადლიერი აღზრდილების სიყვარულით გარემოცულს.

საუკეთესო სურვილებით,

საქართველოს სპორტის სახელმწიფო უნივერსიტეტი

სასწავლო წლის დაწყების თარიღის ცვლილების გამო, პირველკურსელთა მიღების საზეიმო ცერემონია გადაიდო:

• 13 ოქტომბერი
• 13:00 საათი
• ახალი სპორტის სასახლე (უნივერსიტეტის ქუჩა N15ა)

ბრძანება 01-08 უნივერსიტეტში ავტორიზაციის მოპოვების მიზნით, თვითშეფასების ანგარიშის მომზადების უზრუნველსაყოფად სამუშაო ჯგუფის შექმნის თაობაზე