Author: Giorgi Kartvelishvili

სპორტის უნივერსიტეტის, მწვრთნელთა ფაკულტეტის სტუდენტები გიორგი სულაბერიძე და გვანცა სადრაძე საბერძნეთში, საერთაშორისო ოლიმპიური აკადემიის “ახალგაზრდობის 59- ე ყოველწლიურ საერთაშორისო შეკრებაზე” იმყოფებოდნენ.

2019 წლის 16-18 მაისს უკრაინაში, ქ. კიევში საერთაშორისო სამეცნიერო კონფერენციაზე „ახალგაზრდობა და ოლიმპიური მოძრაობა“, მივლინებულ იქნა საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის მწვრთნელთა ფაკულტეტის მე-4 კურსის სტუდენტი გიორგი სულაბერიძე, რომელმაც წარადგინა თემა “სპორტის ფსიქოლოგია თეორიასა და პრაქტიკაში

11 ივნისს საქართველოს ფიზიკური აღზრდისა და სპორტის სახელმწიფო სასწავლო უნივერისტეტს სამუშაო ვიზიტით სერბიის ქ. ბელგრადის სინგადუნუმის უნივერსიტეტის დელეგაცია ეწვია, რომლის შემადგენლობაში იყვნენ: პროფესორი ნენად დიკიჩი – ფიზიკური განათლება და სპორტის მენეჯმენტის ფაკულტეტის სამაგისტრო პროგრამის: „სპორტული კვება და საკვები დანამატები“ – ხელმძღვანელი და სპორტისა და ჯანმრთელობის კოლეჯის პროფესორი – მარიჯა ანდელკოვიჩი.

დელეგაციის წევები უნივერსიტეტის ხელმძღვანელობას შეხვდა. შეხვედრამ სამუშაო ვითარებაში ჩაიარა, სადაც განხილულ იქნა სამომვალო ურთიერთთანამშრომლობის გეგმები.

2018 წლის 18 მაისს საქართველოს ფიზიკური აღზრდისა და სპორტის სახელმწიფო სასწავლო უნივერისტეტს სამუშაო ვიზიტით ხორვატიის, ქ. ზაგრების უნივერსიტეტის დელეგაცია ეწვია.

დელეგაციის წევრები იყვნენ უნივერსიტეტის კინეზიოლოგიის ფაკულტეტის დეკანი პროფესორი ტომისლავ კრისტიჩევიჩი და მისი ორი მოადგილე. ვიზიტის ფარგლებში პროფესორმა კრისტიჩევიჩმა სპორტის უნივერსიტეტში წაიკითხა მოხსენება კინეზიოლოგიის მეცნიერების შესახებ და წარმოადგინა პრეზენტაცია ზაგრების უნივერსიტეტის კინეზიოლოგიის ფაკულტეტის საქმიანობის შესახებ.

სამუშაო ვიზიტის ფარგლებში, სპორტის უნივერსიტეტსა და ზაგრების უნივერსიტეტს შორის გაფორმდა ურთიერთთანამშრომლობის მემორანდუმი, რომელიც ხელს შეუწყობს ორი ქვეყნის სასწავლო პროცესების განვითარებას და პერსონალის კვალიფიკაციის ამაღლებას გაცვლითი პროგრამების ფარგლებში. აღნიშნული მემორანდუმი ასევე გაამყარებს ხორვატია–საქართველოს მეგობრულ და თანამშრომლურ ურთიერთობებს.

---

სტუდენტთა საუნივერსიტეტთაშორისო კონფერენცია სპორტის უნივერსიტეტში

2018 წლის 23 მაისს, საქართველოს ფიზიკური აღზრდისა და სპორტის სახელმწიფო უნივერსიტეტში გაიმართა საუნივერსიტეტთაშორისო სამეცნიერო კონფერენცია (ორგანიზატორები: ქეთევან ბერიძე და გიორგი ზუბიტაშვილი), რომელიც მიეძღვნა სპორტის უმაღლესი სასწავლებლის დაარსებიდან 80 წლის იუბილეს.

კონფერენციაში მონაწილეობდნენ მწვრთნელთა ფაკულტეტის, ფიზიკური მედიცინისა და რეაბილიტაციის ფაკულტეტის სტუდენტები, ასევე სპორტის კოლეჯის, გორის უნივერსიტეტისა და თბილისის სახელმწიფო უნივერსიტეტის ბაკალავრიატის სტუდენტები და მაგისტრანტები.

2017 წლის 16-20 ნოემბერს საქართველოს ფიზიკური აღზრდისა და სპორტის სახელმწიფო უნივერსიტეტის დელეგაცია სამომავლო ერთობლივი პროექტების განხორციელებისა და გამოცდილების გაზიარების მიზნით, სტუმრად იმყოფებოდა თურქეთის ქალაქ სივასის უნივერსიტეტში. დაისახა სამომავლო ურთიერთობის პერსპექტივები ჩვენსა და სივაშის უნივერსიტეტს შორის. ხელი მოეწერა ურთიერთთანამშრომლობის მემორანდუმს, რომელიც მიზანდ ისახავს სტუდენტებისა და პროფესორ-მასწავლებლების გაცვლითი პროგრამების უზრუნველყოფას, სტუდენტების მობილობასა და ერთობლივი პროექტებისა და ღონისძიებების განხორციელებას. დელეგაციასთან ერთად იმყოფებოდა სპორტის უნივერსიტეტის მორაგბეთა გუნდი, რომელმაც ორი ამხანაგური შეხვედრა გამართა ადგილობრივი უნივესიტეტის გუნდთან (ორივე შეხვედრა ჩვენი მორაგბეების დამაჯერებელი გამარჯვებით დასრულდა). მემორანდუმის ფარგლებში ხელშეკრულება დაიდო რაგბის, ფეხბურთის, ფრენბურთის, ფუტსალის, ხელბურთისა და კალათბურთის გუნდების გაცვლითი პროგრამების შესახებ. ჩვენი დელეგაციის სტუმრობის დროს სპორტის უნივერსიტეტის ასისტენტ-პროფესორმა, საქართველოს დამსახურებულმა მწვრთნელმა ლევან მგელაძემ მასტერ კლასი ჩაუტარა სივაშის უნივერსიტეტის რაგბისტთა გუნდს.