სტატიის ტექნიკური პარამეტრები

სამეცნიერო სტატია შედგება შემდეგი ნაწილებისაგან:

1. სათაური
   • უნდა იყოს მკაფიო, ინფორმაციული, რათა მკითხველმა პირდაპირ გაიგოს მთავარი საკვლევი თემის შესახებ.
   • სასურველია გამოიყენოთ საკვანძო ტერმინები, რათა სტატია უკეთ მოიძებნოს საძიებო სისტემებში.
   • თავი აარიდეთ ზედმეტად ზოგად ან ზედმეტად მხატვრულ ფორმულირებებს.
2. ავტორის მონაცემები
   • მიუთითეთ ყველა ის მონაცემი, რაც თქვენს ავტორიტეტს და კვლევის სანდოობას ზრდის (აკადემიური ტიტული, ინსტიტუცია, რომელტანაც აქვს მკვლევარს აფილაცია, საერთაშორისო იდენტიფიკატორები).
   • ORCID ან სხვა პროფილი სადაც თქვენს შესახენ ინფორმაციაა განთავსებული.
3. საძიებო სიტყვები
   • შეარჩიეთ სიტყვები ისე, რომ ისინი იყოს მჭიდროდ დაკავშირებული კვლევის შინაარსთან.
   • გამოიყენეთ დისციპლინისთვის დამახასიათებელი ტერმინოლოგია.
   • რეკომენდირებულია 3-7 საძიებო სიტყვა
4. აბსტრაქტი
   • უნდა შეიცავდეს: კვლევის მიზანს, გამოყენებულ მეთოდებს, ძირითად მიგნებებს და დასკვნებს.
   • დაწერეთ ისე, რომ მკითხველმა მხოლოდ აბსტრაქტის წაკითხვით მიიღოს მკაფიო წარმოდგენა კვლევაზე.
   • არ გამოიყენოთ ზედმეტად რთული წინადადებები, რადგან აბსტრაქტი ინფორმაციის ლაკონურად და ზუსტად მისაღებადაა განკუთვნილი
   • სიტყვების რაოდენობა 200-300 სიტყვა
5. შესავალი
   • შესავალში უნდა მოხდეს თემის აქტუალობის დასაბუთება და მკითხველის „შეყვანა“ კვლევაში.
   • სასურველია მცირე მიმოხილვა უკვე არსებულ ლიტერატურაზე.
   • მკაფიოდ ჩამოაყალიბეთ კვლევის მიზანი და ამოცანები.
6. მეთოდოლოგია (Methods)
   • კვლევის დიზაინის განსაზღვრა და აღწერა
   • გამოყენებული ინსტრუმენტების, მასალების, მეთოდების და პროცედურების, აღწერა, რათა სხვა მკვლევრებმა შეძლონ კვლევის გამეორება.
   • ასევე უნდა მოხდეს ანალიზის მეთოდების (სტატისტიკური ან სხვა) გასაგები და გამჭვირვალე აღწერა.
7. ძირითადი ნაწილი
   • ლოგიკური სტრუქტურა: მეთოდოლოგია → შედეგები → ანალიზი.
   • თითოეული ქვეთავი უნდა იყოს მკაფიოდ დაკავშირებული კვლევის მიზნებთან.
   • შედეგების წარმოდგენა სჯობს ცხრილებითა და გრაფიკებით გაამყაროთ.
8. დასკვნა
   • უნდა პასუხობდეს შესავალში დასმულ კვლევის კითხვებს.
   • მკაფიოდ გამოყავით თქვენი სრტატიის მეცნიერული სიახლე და პრაქტიკული ღირებულება.
   • სასურველია სამომავალო კვლევის მიმართულებების შეთავაზება
9. სქოლიო
   • იყავით მკაცრად თანმიმდევრული ციტირების სტილში.
   • სქოლიოში მოათავსეთ მხოლოდ აუცილებელი განმარტებები და არა ზედმეტი ტექსტები.
   • APA სტანდარტი გამოიყენეთ ერთგვაროვნად.
10. ბიბლიოგრაფია
    • გამოიყენეთ თანამედროვე და განახლებული მასალები.
    • ყველა წყარო უნდა იყოს ადვილად მოსაძებნი და სანდო, ელექტრონული მასალის არსებობის შემთხვევაში მიუთითეთ ბმულები.
11. დანართები
    • დანართების სათაურები უნდა იყოს მკაფიო, რომ მკითხველმა სწრაფად გაიგოს მათი შინაარსი.

სტატიის გაფორმების ტექნიკური პარამეტრები APA სტილის მიხედვით:

1. შრიფტი – UNICODE (Sylfaen)
2. ფორმატი – A4
3. თავფურცელი გააფორმეთ შემდეგი თანმიმდევრობით:
   • სათაური – 16 ზომის შრიფტით ცენტრში;
   • ავტორ(ებ)ი – 14 ზომის შრიფტით ცენტრში;
   • ორგანიზაცია –  მაგ., „საქართველოს სპორტის სახელმწიფო უნივერსიტეტი – 12 ზომის   შრიფტით ცენტრში;
   • ფაკულტეტის დასახელება (იმ შემთხვევაში, თუ მკვლევარი წარმოადგენს რომელიმე უნივერსიტეტს) – 11 ზომის შრიფტით ცენტრში;
4. აბსტრაქტი – ქართულ და ინგლისურ ენაზე – 12 ზომის შრიფტით;
5. საკვანძო სიტყვები ქართულ და ინგლისურ ენაზე –12 ზომის შრიფტით;
6. სტატიის ძირითადი ტექსტი დაიწყეთ მომდევნო გვერდიდან, შრიფტის ზომა -12;
7. სტატიის ძირითადი ტექსტის მოცულობა – 5-15 გვერდი რეკომენდირებული (ამ გვერდების რაოდენობაში არ შედის უცხოენოვანი აბსტრაქტი და ბიბლიოგრაფია);
8. ბიბლიოგრაფია ანბანური თანმიმდევრობით: ჯერ ქართული, შემდეგ უცხოური გამოცემები (ქართულ და ინგლისურ ენაზე;
9. სტრიქონებს შორის მანძილი –1.15;
10. მინდორი: ზევით-ქვევით – 2 სმ; მარჯვნივ-მარცხნივ – 2,5 სმ;
11. ფოტოების და სხვა გრაფიკული გამოსახულების კომპიუტერული ვარიანტი შესრულებული უნდა იყოს JPG ფორმატში.

გამოყენებული ლიტერატურის მითითების წესი:

1. წიგნის/კრებულის მითითებისას:
   • გამოცემის თარიღი;
   • გამომცემლობა;
   • სტატიის შემთხვევაში ჟურნალის (კრებულის, რომელშიც განთავსებულია სტატია) დასახელება;
   • ჟურნალის (კრებულის), წიგნის, წიგნის ნაწილის, ღონისძიების ISSN, ISBN;
   • სპონსორ(ებ)ის დასახელება, თუ კვლევა შექმნილია რომელიმე ფონდის ფინანსური მხარდაჭერით;
     • წიგნის მითითების ნიმუში:
       • კახიძე, გ. (1977). ფიზიკური აღზრდის თეორია და მეთოდიკა, თბილისი:„განათლება“
       • შანიძე, ა. (1953). ქართული გრამატიკის საფუძვლები, მორფოლოგია, I, თბილისი: „თბილისის უნივერსიტეტის გამომცემლობა“ (სპორტის სფეროს წიგნები მივუთითოთ ნიმუშად)
2. ბიბლიოგრაფიული დამოწმებისას სტატიის ტექსტში დასახელებული ყველა ავტორი მიეთითება APA-ს სტილის დაცვით (ანბანური თანმიმდევრობით):
   • ელექტრონული: ვებ-გვერდის მითითებამდე აუცილებელია ავტორის, წიგნის/სტატიის სათაურის, ჟურნალის, ჟურნალის ნომრის (# და № სიმბოლოების გარეშე), გვერდის (გვ.-ს გარეშე) გამოყოფა წერტილით, და ამის შემდეგ ვებგვერდის მისამართის მითითება; სათაურის დამაზუსტებელი ქვესათაური უნდა გამოიყოს ორწერტილით (მაგ., ხევსურულის თავისებურებანი: ტექსტებითა და ინდექსით). ავტორის გვარი უნდა იყოს მარცხნივ გაწეული, დამოწმების ყველა მომდევნო სტრიქონი – შეწეული (TAB-ღილაკით), მაგ.: ნიკოლაიშვილი, მ. (2012). რა განსაზღვრავს ზმნის კონსტრუქციებს ქართულში? „სპეკალი“, 5. http://www.spekali.tsu.ge/index.php/ge/article/viewArticle/5/49
   • ბეჭდური გამოცემის შემთხვევაში კრებულში მოცემული სტატიის გვერდები მიეთითოს პირდაპირ, მძიმით გამოყოფილი, ტომის ნომრის შემდეგ, დეფისით: შარაშენიძე, თ. (1955). ენათა კლასიფიკაცია ენობრივ წრეებად ვილჰელმ შმიდტისა, იკე,VII, 1-31, თბილისი: „საქართველოს სსრ მეცნიერებათა აკადემიის გამომცემლობა